Page 14 - Rueche Info 2022
P. 14

Fortsetzung

                                                        Wiederholung




         d    o   r  f   p   l  a    t  z   r   u   e   c   h   e    -  p   r   a   t   t  e   l   e   .  c   h






         Wiehnachtsmärt 2021 1/2






         Am Wucheänd vom 20./21. November händ mir nach eim Joor Pause wieder am Prattler
         Wiehnachtmärt euses Beizli dörfe eröffne. (Lueg au unter Klatsch und Tratsch)
         Und wie im Vorwort bereits gschribe, händ mir wiederemol öbis Neus gha. Mir si vom
         Wiehnachtsmärt OK agfrogt worde, ob mir euses Beizli in de Lerchestube wo zum erschte Mol ufem
         Dorfturnhalleplatz gstande isch, möchte füehre. Da mir Dorfplatzrueche ja immer offe sind für Neus,
         händ mir zuegseit.



         Das isch e gueti gsi, denn die Lerchestube isch mitere top Chuchi usgstattet.
         Au d`Gaststube inklusiv Buffet ich top igrichtet und s`Beschti, kei Zält Uf-und Abbau und drum händ
         mir am Samschtig au 1 Stund länger dörfe schlofe.
         So händ mir uns am Samschtigmorge am 10i troffe und direkt mit Iruume vo dr Chuchi und vom
         Buffet agfange. Euse Innedekorateur dr Adi het dem bereits schön gschmückte Inneruum no e chli
         wiehnächtliche Glanz verleiht.


         Da ja  in dr Stube Zertifikatspflicht gherrscht het, händ mir uns überlegt die Ungimpfte nit z`strofe
         und händ drum e Take away ufgleist. Da an beide Täg schöns Wätter gsi isch, sind viel Lüt dusse
         bliebe und mir sind zytewis mit Bstellige richtig überollt worde. Au dr Betrieb in dr Stube inne isch
         sehr guet gloffe, dr Rekord isch glaub bi 15 offene Bstellige Stangefondue gsi. Aber alli händ e
         super Job gmacht und so händ mir dr Samstig müed, aber erfolgrich beendet.




































          14 von 16
   9   10   11   12   13   14   15   16