Page 3 - Rueche Info 2022
P. 3

Fortsetzung

                                                    Wiederholung




     d   o   r   f   p   l  a   t   z   r  u    e   c   h   e   -   p   r   a   t  t   e   l  e   .   c   h






     Vorwort






     Liebi Gönner und Fründe vo de Dorfplatzrueche



     Zu dem Zytpunkt wo ich das Vorwort schrieb, weiss ich nonig genau was an der Fasnacht 2022 wird
     si. Normalerwis wäre mir bereits mit Wagenbau beschäftigt, aber nei, unsere Wage stoht immer no
     ipackt und unberüehrt an sim Lagerort.
     Bruche mir ihn überhaupt das Joor? Gits en Umzug? Chönne mir Wurfmaterial bstelle?
     Alles offeni Froge im Moment…
     Mir wüsse, unser Prattler FAKO setzt alles dra, damit mir uf irgend ei Wis e Fasnacht dörfe chönne
     erläbe. An dere Stell es härzlichs Dankschön für eure Isatz.
     Mir als Wägeler müesse aber leider säge, e Fasnacht ohni Umzug isch wie e Coupe Romanoff ohni
     Erdbeeri.


     Aber es git au Positivs z`brichte.


     S`Erschte händ ihr jetzt grad in dr Hand, jo mir sind unserer Linie treu bliebe und händ für euch
     Gönner und Fründe au das Joor s’Rueche-Info gmacht.
     Denn darf ich Euch säge, dass euse Chaotehufe nach wie vor vollzählig isch. Leider isch das jo nit
     in jedem Verein so…
     Und zum Schluss, mir händ ändlich wieder mol en Wiehnachtsmärt ka. Und wie bi de
     Dorfplatzrueche gwohnt, wieder mit öpis Neuem (Mehr drzue im Innere vom Rueche-Info)


     Jetzt bliebt mir wie jedes Joor, euch e gueti Gsundheit, positivs Dänke und e tolli “Vorfasnachtszyt“
     z’wünsche.

     Mir hoffe euch am 6. März irgendwenn, irgendwo und irgendwie z’träffe.

     Im Name vo de Dorfplatzrueche


      Dr Obmaa Thomi



















                                                                                                 3 von 16
   1   2   3   4   5   6   7   8